Take a fresh look at your lifestyle.

انسان کی کہانی ۔ ابویحییٰ

انسان کی کہانی ۔ ابویحییٰ

ٹیزر

محترمی و مکرمی
السلام علیکم و رحمت اللہ وبرکاتہ

آپ کی خدمت میں انذار کے تحت بنائی گئی ڈاکو منٹری ‘‘ انسان کی کہانی’’ کا پائلٹ ایپی سوڈ پیش ہے۔یہ تیس اقساط پر مشتمل ایک مکمل ڈاکومنٹری سیریز کی تعارفی قسط ہے۔انسان کی کہانی میں ہمارے پیش نظر دین اسلام کی حقانیت کے عقلی وفطری دلائل کو قرآنی داستانوں کے پس منظر میں اس طرح پیش کرنا ہے کہ یہ عام لوگوں کے لیے باعث دلچسپی ہوں۔ساتھ میں الحاد اور شرک کے مقدمے کا بھرپور رد کرتے ہوئے دین اسلام کے ایمانیات اور اخلاقی مطالبات کو بھی متعارف کروانا ہمارے پیش نظر ہے۔

آج کے اس دور میں جب کتب بینی کا رواج بہت کم رہ گیا ہے ، علمی موضوعات میں لوگوں کی دلچسپی ناپید ہے اورہماری نئی نسلوں کو الحاد اور انکار خدا کا چیلنج درپیش ہے، یہ ڈاکومنٹری وقت کی ایک بہت اہم ضرورت ہے۔ابھی تک فلم اور ٹی وی سے متعلق جن ماہرین فن نے اسے دیکھا ہے ان کی رائے یہی ہے کہ ہمارا یہ کام عالمی سطح پر معروف معیارات پر پورا ترتا ہے ۔ہمارے پیش نظر یہی ہے کہ ہم اصل ڈاکومنٹری کو ان تمام ممالک میں جاکر فلمائیں جہاں قرآن میں بیان کردہ واقعات پیش آئے ہیں۔ ہمارا یہ کام عالم اسلام کی طرف سے کی گئی ایک پہلی کاوش ہوگا جو دورجدید میں عالمی سطح پر اسلام کے فروغ اور دفاع کا ان شاء اللہ ایک انتہائی موثر ذریعہ بنے گا۔

اس قسم کا کوئی بھی کام جب عالمی سطح پر کیا جاتا ہے تو اس کامالیاتی تخمینہ کئی ملین ڈالر ہوتا ہے۔لیکن ہماری کوشش ہے کہ ہم اس کام کو پانچ لاکھ ڈالرکے بجٹ میں پورا کرلیں۔ادارہ انذار کے انتہائی محدود وسائل کے پیش نظر یہ منظر بہت دور ہے، لیکن آپ کا تعاون اس منزل کے قریب پہنچنے میں ہمارے لیے بہت معاون ہوگا۔

انسان کی کہانی ان شاء اللہ العزیز دور جدید میں نصرت دین کے کام کا سب سے بڑا ذریعہ بنے گا۔ہم امید کرتے ہیں کہ آپ اس میں زیادہ سے زیادہ تعاون کرکے آخرت میں خدا کی بہترین رحمتوں کے امیدوار بنیں گے۔

تعاون کی عملی صورتیں

پاکستان سے اپنا تعاون بھیجنے کے لیے درج ذیل ای میل پر رابطہ کیجیے
globalinzaar@gmail.com

پاکستان کے باہر سے عطیات بھیجنے کے لیے درج ذیل ویب سائٹ پر جاکر ہمارے کو پروڈیوسر کو اپنا تعاون جمع کرائیں۔
https://www.inzaar.pk/support-us/
عطیات جمع کروانے کے بعد
0092-345-8206011
یا
ghazialamgir1@gmail.com
پر ہمیں مطلع کریں تاکہ اس کی رسید آپ کو بھیجی جاسکے

اپنے قریبی احباب کو اس پروجیکٹ سے متعارف کرائیں اور ان کو تعاون پر آمادہ کیجیے

اللہ تعالیٰ کی بارگاہ میں ہمارے لیے دعا کیجیے کہ وہ آسانی اور مدد کا معاملہ فرمائے۔

سلمان شہزاد
صدر ادارہ انذار